Giorgio Napolitano (29 de xunu de 1925, Nápoles – 22 de setiembre de 2023, Roma) foi un políticu italianu, Presidente de la República Italiana ente 2006 y 2015, y tamién el primeru y únicu en ser reelixíu pal cargu, polo que ye hasta'l momentu'l presidente más llonxevu de la historia d'Italia.[20] Por cuenta de la so dilatada carrera na primer llinia de la política italiana, ye de cutiu moteyáu polos sos críticos como Re Giorgio, «Rei Giorgio».[21]
Mientres décades foi miembru del Partíu Comunista Italianu (PCI), y más tarde xuniríase al Partíu Demócrata d'Izquierda, el socesor moderáu post-comunista del PCI. Escoyíu per primer vegada como diputáu en 1953, Foi Ministru del Interior ente 1996 y 1998 mientres el primer gobiernu de Romano Prodi. En mayu de 2006, foi escoyíu pol parllamentu como presidente d'Italia, convirtiéndose nel primer y únicu (ex) militante comunista n'aportar al cargu. Reelixíu nuevamente pal cargu en 2013, finalmente dimitió de la presidencia en xineru de 2015, ensin trescurrir apenes la metá del so segundu mandatu.
© MMXXIII Rich X Search. We shall prevail. All rights reserved. Rich X Search